Skënderbeu vijon prej 9 ditësh përgatitjet dimërore në Antalia, ku ka zhvilluar dhe dy takime miqësore ndaj Bursasporit dhe Besiktasit. Takimi i radhës do të zhvillohet këtë të hënë, ora 15:00, ndaj kampionëve në fuqi të Rumanisë, Viitorul Constanta.
Skuadra e Viitorul e drejtuar nga legjenda Gheorghe Hagi është një histori e jashtëzakonshme suksesi pasi u themelua vetëm 9 vite më parë, duke u ngjitur shpejt në majën e futbollit rumun e duke fituar titullin kampion.
Viitorul, që njihet për prodhimin e talenteve aktualisht ndodhet në vendin e 6-të të kampionatit rumun, pozicion që e çon në fazën play-off dhe i jep mundësinë të garojë për titullin kampion.
