Reali i Madridit është rikthyer te fitorja, në prag të transfertës delikate në Parsi, në sfidën e kthimit të fazës së 1/8-ave të Champiojs Leagues.
Në ‘Santiago Bernabeu’, madrilenët mposhtën me rezultatin 3-1 Getafen, në një sfidë ku Bale hapi serinë e golave dhe Ronaldo shënoi sërish një dopietë, ndërsa për miqtë, Portillo ngushtoi përkohësisht diferencën e golave.
Zidane preferoi të hedhë në fushë lojtarët më të mirë sot, për të shmangur ndonjë hap fals në shtëpi, teksa e nisi ndeshjen me BBC-në e famshme. Portugezi u largua vetëm në minutat e fundit, pasi kishte shënuar golin e 3-të, për t’i lënë vendin Asensios.
Më herët, Sevilla mori një tjetër fitore, këtë herë ndaj Athletic Bilbaos, me rezultatin 2-0, falë golave të shënuar nga Muriel dhe Vazquez. Me këtë 3-pikësh, skuadra e Montellës duket se ka konsoliduar pozitat në zonën që të çon në Europa League.
