Tashmë është zyrtare! Trajneri spanjoll Unay Emery nuk do të vijojë më të jetë në krye të skuadrës së PSG-së, duke filluar që nga fundi i sezonit.
Lajmin e ka dhënë vetë tekniku në një konferencë për shtyp, ku tha se bashkë me presidentin dhe drejtorin sportiv, kanë vendosur mbylljen e bashkëpunimit.
“Pata një takim me presidentin dhe drejtorin sportiv të skuadrës dhe vendosëm që të ndërpresim bashkëpunimin në fund të këtij sezoni. Këtë vendim ua komunikova edhe lojtarëve para stërvitjes së sotme”, deklaroi Emery.
Largimi i trajnerit spanjoll ishte i pritshëm, pasi kontrata e tij skadonte në fund të këtij sezoni dhe drejtuesit nuk i kishin ofruar rinovimin, duke lënë të nënkuptohet se nuk do të vijonte bashkëpunimi.
Emery iu bashkua PSG-së në verën e 2016-ës, pas sukseseve radhazi me Sevillan në Europa League. Mungesa e suksesit në Europë, ishte vendimtare në zgjidhjen e drejtuesve të PSG-së, për të mos vijuar më bashkëpunimin me Emery.