4 ditë nga debutimi i Spanjës në Botëror, trajneri i La Rojas Julen Lopetegui ka marrë një lajm të keq. Qëndërmbrojtësi Gerard Pique është larguar përpara kohe nga stërvitja e kësaj të hëne në Krasnodar aty ku është edhe vendgrumbullimi i 1-herë kampionëve të botës, pasi ka marrë një goditje në gju. Prania e lojtarit të Barcelonës në superndeshjen ndaj Portugalisë kampione në fuqi të Europës është vënë ndjeshëm në dyshim. Nëse Pique nuk ia del dhimbjet e kokës për Lopeteguin do të shtohen pasi për derbin iberik trajneri i Spanjës nuk do të ketë në dispozicion as Carvajal në krahun e djathtë të mbrojtjes. Por nëse mbrojtësi i Realit të Madridit do të zëvendësohet nga talenti i Sociedadit Odriozola, një mes Nachos dhe Azpilicuetës do të marrë vendin e Pique në qëndër të prapavijës duke u rreshtuar përkrah kapitenit Sergio Ramos.
