Barcelona nuk gabon as në derbin e Katalunjës ndaj Gironas. Skuadra e Ernesto Valverdes triumfoi 0-2 duke e çuar sërish në +5 pikë avantazhin ndaj ndjekëses më të afërt në La Liga që është Atletico e Madridit. Në transfertën e Gironas vendosën golat e Semedos dhe Messit me Barçën që regjistroi fitoren e 8-të radhazi në La Liga duke hedhur një tjetër hap të sigurtë drejt mbrojtjes së titullit. Vendasit e mbyllën sfidën me një lojtar më pak pasi në minutën e 51-të Espinosa mori kartonin e dytë të verdhë.
