Reali i Madridit fitoi 3-2 me Vellarrealin në “Santiago Bernabeu” me një formacion të ndryshuar nga trajneri Zinedine Zidane, që ka nisur të mendojë që tani për sezonin e ardhshëm.
Mariano Diaz realizoi që në minutën e dytë para publikut të “Los Blancos”, por kundërpërgjigjja e “Nëndetëses së Verdhë” erdhi shumë shpejt, pikërisht me Morenon në të 11-ën. Reali e mbylli pjesën e parë në avantazh, pasi në të 40-ën shënoi Vallejo, ndërsa në pjesën e dytë të dyja skuadra e gjetën nga një herë rrjetën, Reali me autorin e golit të parë, Diaz, ndërsa për Villarrealin shënoi në shtesë Costa, për rezultatin përfundimtar 3-2.
Vazhdon të surprizojë e ecurinë e saj në këtë fund sezoni në La Liga Getafe, që mposhti 2-0 Gironan me gola të Molinas dhe Angel, duke blinduar 58 pikë vendin e katërt (3 më shumë se Sevilla), ndërsa Eibari iu imponua me një fitore minimale Betisit me gol të Cote.