Pasi i shpëtoi rënies në Ligue 2 vetëm në javën e fundit, Monaco ka konfirmuar trajnern Leonardo Jardim edhe për sezonin e ardhshëm në pankinën e ekipit.
Skuadra e Principatës e nisi sezonin me francezin Thierry Henry në stol, por pas disa muajsh e pa veten në vendin e fundit, ndaj drejtuesit bënë një hap pas për të rikthyer portugezin Jardim.
Ndërkohë, po dje klubi i Monacos njoftoi se vendosi të blejë zyrtarisht talentin portugez Gelson Martins.
Ky i fundit ishte në huazim nga Atletico e Madridit, por duket se i ka bindur të gjithë me performancën e tij dhe klubi francez ka vendosur të paguajë 30 milionë euro për kartonin e tij.
