Edicioni i 57-të i Bundesligës gjermane do të ngrejë siparin më 16 gusht dhe, siç është traditë garën e hap skuadra kampione e sezonit të fundit, pra Bayerni i Mynihut, që do të sfidojë Herthan e Berlinit.
Ndërkohë që shorti i kalendarit nënkampionen e Bundesligës, Borussian e Dortmundin, e ka vendosur përballë Augsburgut. Verdhezinjtë po bëjnë një merakto voluminoze, teksa filozofia e drejtuesve të klubit vazhdon të bazohet tek lojtarët e rinj në moshë dhe të talentuar.
“Der Klassiker”, pra superdueli mes Bayernit të Mynihut dhe Borussia Dortmundit, do të jetë takimi i parë mes datës 8 dhe 10 nëntor. Bavarezët do t’i presin verdhezinjtë në “Allianz Stadium”, ndërsa ndeshja e kthimit në “Signal Iduna Park” do të zhvillohet mes datave 3 dhe 6 prill.
Një tjetër duel që nuk duhet humbur është derbi i Ruhrit mes Shalke 04 dhe Borussia Dortmundit, që do të luhet mes datave 25 dhe 27 nëntor, ndërsa takimi i fazës së dytë në shtëpinë e verdhezinjve mes 13 dhe 16 marsit.
Bayerni i Mynihut do të përballet me Leipzigun në shtator (13-15) dhe takimi i kthimit luhet mes 7 ose 10 shkurtit. Bavarezët me synimin për të mbrojtur titullin kampion, ndërsa rivalët do të tentojnë me çdo kusht t’i rrëzojnë ata nga froni, një mision i vështirë përballë një klubi që këtë sezon ka pretendime të mëdha, si në kampionat ashtu edhe në Champions.