Gremio është skuadra e 8-të dhe e fundit që siguroi një biletë për në çerekfinalet e Copa Libertadores 2019-të. Brazilianët bindën edhe në ndeshjen e dytë ndaj paraguianëve të Libertad madje këtë herë duke fituar me shifrat 0-3 në transfertë dhe rezultat të përgjithshëm 5-0 në favor, Gremio avancoi në çerekfinale aty ku do të sfidojë Palmerias në një tjetër derbi brazilian, pasi çerekfinalja tjetër e gjitha braziliane është ajo mes Flamengos dhe Internacional. E sigurtë që në finalen e madhe të Copa Libertadores 2019-të do të shkojë një skuadër braziliane pasi të 4-ta ekipet braziliane ndodhen në të njëjtin krah të shortit. Në transfertën paraguiane ndaj Libertad, Gremio realizoi tre herë që në pjesën duke mbyllur shumë shpejtë çështjen e kualifikimit. Jean hapi serinë e golave me penallti në minutën e 6-të, ndërsa sulmuesi Andre realizoi dhe dy herë të tjera brenda 45 minutave të para për një fitore të thjeshtë të skuadrës braziliane.
