Lazio po bën një sezon në kufijtë e perfektes dhe tani konsiderohet një pretendente për titullin kampion, bashkë me Juventusin dhe Interin, por për trajnerin Inzaghi nuk ka pasur aspak lajme të mira nga infermieria.
Kështu anësori boshnjak Senad Lulic do të duhet t’i nënshtrohet një operacioni për një problem në kavilje dhe parashikimet më optimiste janë për një mungesë prej të paktën 6 javësh në fushat e lojës.
Futbollisti 34-vjeçar prej kohësh kryente një program specifik, por duket se konkluzioni final i mjekëve është që nuk mund të rikuperohet pa operacion dhe ndërhyrja kirurgjikale pritet të kryhet këto ditë.
Tani Inzaghi do duhet t’i besojë brazilianit Jony në krahun e majtë, një futbollist i ardhur vetëm këtë verë te bardhekaltrit, por që në javët e fundit ka dhënë garanci të mjaftueshme për të luajtur si titullar.