Në Angli, ashtu si në shumicën e ligave europiane nuk ka një marrëveshje mes futbollistëve dhe klubeve, në lidhje me ndërprerjen e pagave gjatë kohës që futbolli është ndalur nga koronavirusi.
Megjithatë klubi i Arsenalit ka arritur një akord me futbollistët e tij dhe stafin teknik, për një ndërprerje të pagës vjetore në masën 12.5%, të cilat do të ndihmojnë jo pak financat e skuadrës londineze në këto ditë të vështira.
Ka qenë vetë klubi i Arsenalit që ka njoftuar arritjen e marrëveshjes gjatë ditës së sotme, nëpërmjet një deklarate zyrtare të publikuar në faqen zyrtare, ndërsa nuk ka ngurruar të falënderojë as trajnerin Arteta dhe futbollistët për këtë nismë.