Nga Afrika, në Dolomite, Sabaudia dhe në fund në Adriatik. Vera duket e pafundme për Ilary Blasin ,që pas divorcit me legjendën e Romës, Francesco Totti, ka marrë gjithë kohën e nevojshme për të bërë ndoshta pushimet më të gjata se kurrë ndonjëherë.
Së fundi “show girl”-i italian ka zbarkuar në Kroaci, ku po kalon disa ditë pushime në brigjet e Adriatikut, nën shoqërinë e të motrës, vajzës së vogël, Isabel dhe disa miqve të tjerë.
Gjithçka e ka zbuluar vetë Ilary me postimet në rrjetet sociale, ku gjatë kësaj vere ka qenë vërtetë aktive dhe është rikthyer të nxjerrë në pah linjat e saj perfekte, pavarësisht 41 viteve mbi supe.