Didier Deschamps thirri 25 lojtarë në Botërorin e Katarit, por trajneri i Francës ka ndërruar mendje dhe ka vendosur të dërgojë edhe ftesën e fundit.
“Timonieri” i kampionëve të botës ka surprizuar Marcus Thuram, i cili do t’i bashkohet pjesës tjetër të Kombëtares në grumbullimin në Clairefontaine.
Sulmuesi 25-vjeçar po paraqitet shumë mirë në Bundesliga me M’Gladbach, ekip me të cilin numëron 13 gola dhe 4 asiste deri në këtë fazë të sezonit.
Gëzim i madh për lojtarin e lindur në Parma gjatë periudhës që babai i tij, i mirënjohuri Lilian Thuram, aktivizohej me skuadrën emiliane.
Franca shkon në Katar si skuadra kampione në fuqi. “Gjelat” janë ndër kandidatët kryesorë për fitimin e trofeut, teksa shorti i ka vendosur në grupin D bashkë me Danimarkën, Australinë dhe Tunizinë.