Salernitana pësoi një humbje dërrmuese në Bergamo. Atalanta u zbavit dhe siguroi tri pikë të rëndësishme për objektivin Champions pas suksesit 8-2.
Drejtuesit e Salernitanës nuk humbën kohë dhe shkarkuan trajnerin Davide Nicola, i cili vjet realizoi një “kryevepër” duke mbajtur skuadrën në Serie A.
Tashmë i përket së kaluarës, ndërkohë që Salernitana po tenton Rafa Benitez për stolin, një trajner fitues dhe plot eksperiencë.
Spanjolli ka drejtuar më parë Interin e Napolin në Serie A, ai qëndron pushim prej janarit të vitit të kaluar kur i dha fund eksperiencës tek Evertoni.
Salernitana ka nisur bisedimet me të, por akordi është një mision shumë i vështirë për shkak të… West Ham.
Drejtuesit e klubit londinez e shohin si pasardhësin perfekt të David Moyes, i cili është shumë afër shkarkimit.
Benitez po bisedon njëkohësisht edhe me drejtuesit e West Ham, të cilët janë në dilema nëse duhet të shkarkojnë apo jo skocezin Moyes.