Leipzig vazhdon ecurinë e rezultateve pozitive në Bundesliga. Skuadra e trajnerit Marco Rose, triumfoi 2-1 përball Shtuttgart dhe tani ngjitet në vendin e dytë të renditjes, një pikë më pak se Bayerni Munich i vendit të pare. Hungarezi Dominik Szoboszlai ishte njeriu i ndeshjes me dy golat e tij vendimtar që i dhuruan një tre pikësh me tepër vlera skuadrës gjermani.
Minuta e parë të sfidës ishin të qeta me skuadrat të kujdesshme në repartin e prapavijës, ndërsa ndeshja u zhbllokua nga një supergol në minutën e 25-të. Szoboszlai shënoi një eurogol nga një goditje e lirë për ti dhënë epërsinë skuadrës së tij. Pjesa e parë mbeti e pandryshuar në rezultat, ndërsa hungarezi e nisi me të njëjtin marsh edhe fraksionin e dytë.
Szoboszlai gjeti rrugën e rrjetës përsëri në minutën e 49 të sfidës, i tretë këtë sezon në Bundesliga për mesfushorin. Shtutgart u mundua të reagonte dhe në minutën e 68-të rihapi sfidën falë një penallti të akorduar nga sistemi Var.
Nga pika e bardhë e 11 metrave u tregua i saktë mesfushori Chris Fuhrich. Presioni te Leipzig u ndje në minutat në vazhdim, megjithatë skuadra e Marco Rose ia doli mbanë të mos pësonte dhe të triumfonte me rezultatin 2-1. Pas këtij triumfi Leipzig ngjitet në vendin e dytë në Bundesligë në kuotën e 35 pikve, ndërsa Stuttgart mbete në vendi e 15 me 16 pikë.
