Nicolás Schiappacasse, ish-lojtar i Atléticos së Madridit, shënoi golin e tij të parë fill pasi u lirua nga burgu.
“Kur je në burg, nuk e di nëse do të jesh sërish i lirë. Gjithmonë e kam pasur parasysh që nuk do ta humbas futbollin, as nuk do ta harroj. Ishin ditë shumë të vështira në burg”, deklaroi ‘Chappa” Schiappacasse në korrik 2022.
Sulmuesi 24-vjeçar uruguaian shënoi golin e parë në historinë e La Luz në Primera Division (Uruguaj), në humbjen 3-1 kundër Montevideo Wanderers në ditën javën e parë Aperturas së Kampionatit Uruguajan.
Pse ishte në burg sulmuesi Nicolás Schiappacasse?
Nicolás Schiappacasse u dënua me 14 muaj burg i akuzuar për trafikim armësh zjarri dhe municionesh.
Ish-lojtari i Atléticos kreu 2 muaj e 12 ditë burg efektiv dhe pjesa tjetër e dënimit u plotësua me gjashtë muaj arrest shtëpiak, me autorizim gjyqësor, për të qenë në gjendje të stërvitet dhe të luajë ndeshjet e futbollit.
Schiappacasse u rikthye në futboll në korrik 2022 në Kategorinë e Dytë me Miramar Misiones, skuadër me të cilën shënoi 2 gola në 12 ndeshje.
Nicolás Schiappacasse u arrestua nga policia në janar 2022 për mbajtjen e një arme, kur ishte duke shkuar në ndeshjen midis Peñarol dhe Nacional.
Automjeti me të cilin ai po udhëtonte u ndalua në një kontroll rutinë, por qëndrimi nervoz dhe i dyshimtë i futbollistit, sipas raportimeve të medieve uruguaiane, çoi në sekuestrimin e një pistolete 9 mm me tetë plumba.
