Aymeric Laporte (28 vjeç) e ka të qartë: nuk është titullar i padiskutueshëm për Pep Guardiolën te Manchester City.
Pavarësisht se ka kontratë deri në vitin 2025, ai po mendon seriozisht të largohet nga klubi anglez verën e ardhshme.
Nëse City e lejon atë të largohet, pavarësisht se ka një kontratë të vlefshme, përparësia e tij është të shkojë në “Camp Nou”.
Barça tashmë është në dijeni të interesit të Laportes për t’u larguar nga Premier League dhe për dëshirën e tij për t’u veshur me ngjyrat “blaugrana”.
Lexo edhe:
- Nis “gjuetia” për titullin e tretë, Verstappen dominon në Bahrein. Zhgënjen Leclerc, befason Alonso
- VIDEO/ “Tërmet 7 ballësh” në Anfield, Liverpool turpëron keq Manchester United
- Në stol për 90 minuta, Inzaghi: Asllani duhet të punojë dhe të stërvitet!
- Ish-mbrojtësi i United kundër Bruno Fernandes: Vetëm ankohet në fushë, jam lodhur me atë
Në fakt, në skuadrën e Barcelonës nuk ka asnjë qendërmbrojtës të majtë. Në këtë moment Marcos Alonso e kryen këtë funksion përkohësisht, duke dhënë një performancë të mirë, por Xavi Hernández kërkon një specialist dhe i pëlqen shumë Laporte.
Këtë fundjavë, në Angli, pati raportime të ndryshme se City dëshiron të nënshkruajë me Josko Gvardiol, qendërmbrojtësin kroat të RB Leipzigut.
Në këtë kontekst, Cityzens do të ishin të gatshëm të linin Aymeric Laporte të largohej.
