Rafael Nadal vazhdon të shkatërrojë cdo rival që i del përpara. Numri një në renditjen e përgjithshme në tenis regjistroi fitoren e 14-të radhazi, këtë radhë ndaj italianit Fabio Fognini, 2-0 me sete, 6-3 dhe 6-1. Fituesi i US Open dhe i ATP 500 të Pekinit, u kualifikua në cerekfinale të Mastersit 1000 ATP të Shangait.
Edhe ndaj kundërshtarit Italian 31-vjecari u shfaq superior, duke mos humbur asnjë gejm me shërbimet e tij. Nga ana tjetër Fonigni u dorëzua në shërbim në gejmin e dytë të setit të parë dhe në të parin, të pestin dhe të shtatin në setin e dytë. Në cerekfinale Nadal do të përballet me bullgarin Grigor Dimitrov.
Nuk ndalet as Roger Federer, që kaloi pa shumë probleme 2-0 me sete, 6-4 dhe 6-2, ukrainasin Dolgopolov. Zvicërani, falë eksperiencës së tij, iu imponua kundërshtarit në vetëm 1 orë e një minutë lojë.
