Sulmuesi i kombëtares shqiptare, Sokol Cikalleshi është bërë baba, për herë të parë. Lajmin e ka dhënë vetë sulmuesi 27 vjeçar, nëpërmjet një postimi në llogarinë e tij në Instagram.
“Zyrtarisht Baba ! Falenderoj Zotin qe me beri te perjetoj sot parajsen e kesaj bote ! RAJNA”, shkruante kavajasi, ndërsa ka postuar edhe një foto teksa mban në krah vogëlushen e tij.
Menjëherë kanë vërshuar urimet në adresë të Cikalleshit, ku nuk munguan thuajse të gjithë futbollistët e kombëtares, si Hysaj, Gjimshiti, Grezda, Roshi, Berisha, Sadiku, etj., por edhe një sërë lojtarësh të katëgorisë superiore. Nuk kanë munguar edhe urimet nga fan grupi i klubit që zotëron kartonin e Cikalleshit, Basaksehir, por edhe nga aktori i humorit Bes Kallaku.
Sokol Cikalleshi luan në Turqi, për klubin e Osmanlispor, ku është huazuar nga kampionët e Basaksehir. Ai është i martuar me Kornelian, ndërsa tani sollën në jetë edhe vogëlushen Raina.