Fabio Borini po përgatitet të luajë derbin e tij të parë, me fanelën e Milanit. Pas një aventure aspak të mirë në kampionatin anglez, italiani duket se e ka gjetur veten në skemat e trajnerit Montella, duke luajtur si mesfushor anësor, në rreshtimin 3-5-2. Borini shprehet se ka filluar t’i pëlqejë roli i ri, me të cilin po ambientohet më shpejt sesa parashikohej.
“Roli i ri po më pëlqen dhe po ambientohem. Duhet të vraposh shumë në atë pozicion, por jam stërvitur mirë dhe jam gati të bëj gjithçka, për të qenë në dispozicion të trajnerit dhe ekipit. Derbi i të dielës do të jetë i pari, jo vetëm për mua, por edhe për disa futbollistë të tjerë të skuadrës. Do të luajmë me kokën lart dhe do të kërkojmë fitoren, sepse në fund të fundit, ne jemi Milani”, deklaroi Borini, i cili pritet ta nisë si titullar sfidën e të dielës.