Kampionët e Kosovës Ballkani janë 90 minuta larg fazës së grupeve të Ligës së Konferencës. Pas fitores 4:1 në ndeshjen e parë, krejt çka i duhet skuadrës nga Suhareka është të ruajnë avantazhin prej 3 golave në ndeshjen e kthimit ndaj Bate Borisov.
Ndeshja do të zhvillohet në stadiumin “Varosi” në Mesokovesdi qytezë në veri të Hungarisë për shkak se UEFA i ka ndaluar klubet bjelloruse të luajnë në vendin e tyre dhe janë të obliguar të luajnë në teren neutral. Ballkani e dominoi në mënyrë absolute ndeshjen e parë në Prishtinë duke I lënë kundërshtarit shumë pak hapësira për të vepruar duke bërë një paraqitje spektakolare.
Forma e mirë që po kalon skuadra e drejtuar nga Ilir Daja është një element më shumë që qëllimi është afër të arrihet. Për sa i përket lojtarëve të lënduar, Qëndrim Zyba ka udhëtuar me ekipin në Hungari dhe do të rivlerësohet gjendja e tij fizike para ndeshjes për të parë nëse është i gatshëm për të luajtur.
Në listë për këtë ndeshja është futur edhe përforcimi i ardhur së fundmi, Arb Manaj, i cili do të jetë një opsion më shumë për sulmin e portokallezinjve. Siç edhe bënë zakonisht, Daja nuk pritet të bëjë ndryshime rrënjësore në formacion për dallim nga ndeshja e kaluar dhe mund ta shohim 11-shen startuese sikurse ajo në Prishtinë.
Lexoni edhe:
- Merr fund telenovela “Maguire”, ja cila do të jetë e ardhmja e mbrojtësit anglez
- Kolo Muani: E falenderoj Frankfurt-in, por tani dua të luaj për PSG-në
- Lindstrom: I lumtur që jam në Napoli, mezi pres të shoh tifozët në stadium
- Iu hakërrye arbitrit për kartonin e kuq, Van Dijk rrezikon shumë
Për trajnerin nga Tirana do të ishte hera e 3-t që shkon në fazën e grupeve me një skuadër, diçka që nuk e ka bërë asnjë trajner shqiptar më parë. Aq më tepër statistikat flasin në favor të tij, pasi në fazën kualifikuese në Europë ka 11 fitore, dy barazime dhe dy humbje.
Ballkani ka pësuar vetëm 1 humbje në garat evropiane këtë sezon, atë nga Ludogorets në udhëtim që ishte një mësim i mirë për atë se si duhet të luaj në ndeshje të tilla dhe gabime të ngjashme si në Bullgari nuk tolerohen. Ndeshja ndërmjet Bate Borisov dhe Ballkanit luhet të enjten duke filluar nga ora 20:00 dhe vjen në transmetim të drejtpërdrejt në ekranin e SuperSport.
