Visar Bekaj ishte pa dyshim njeriu i ndeshjes te Tirana me penalltinë që i priti Agim Ibraimit. Në intervistën pas ndeshjes, portieri bardheblu theksoi, sikurse trajneri Shehi, se Tirana nuk duhet të mendojë se e ka fituar titullin që tani. “E kam thënë edhe më herët që objektivi është ndeshja e radhës. Nëse gjykojmë kështu, do ta arrijmë qëllimin. Nëse mendojmë se jemi kampionë, mund të ndëshkohemi.
Pritja e penalltisë: “Çdo lojtar i bën lëvizjet e veta, e analizon kundërshtarin. E lexova goditjen e Ibraimit. Për penalltitë punoj më shumë me Shehin.
Me lehtë titullar te Kosova apo Shqipëria? “Normalisht unë shkoj ku më thërret zemra, por se ku mund të luaja është dytësore. Muric po bën shumë mirë te Kosova, por edhe Etrit Berisha te Shqipëria. Mund të jetë një motivim më shumë për mua në stërvitje.
Sulmuesi më i fortë te Tirana: Edhe Xhixha, edhe Seferi, edhe Devid, por do të thosha me Seferin kam më shumë duele gjatë stërvitjeve.
Premio për titullin: Do të kemi, sigurisht.
