Samuel Chukwueze është një nga blerjet më cilësore të Milanit gjatë kësaj merkatoje verore. Kuqezinjtë siguruan sulmuesin e djathtë nga Villarreali për 20+8 milionë euro.
24-vjeçari firmosi një kontratë 4-vjeçare me Milanin, që pas shumë kohësh siguron një element me kualitet në krahun e djathtë të sulmit.
Chukwueze djathas dhe Leao majtas, i mbushin plot ëndrra tifozët e shumtë të “Djallit”. Stefano Pioli nuk e fshehu gëzimin e tij për ardhjen e nigerianit:
Lexo edhe:
- “Rezultat i madh”, trajneri grek vlerëson performancën heroike të Dritës
- VIDEO/ Nunes nuk mjafton, Tirana mposhtet në Stamboll
- VIDEO/ Struga mposht Buducnostin, skuadra e Duros niset e avantazhuar javën e ardhshme
- VIDEO/ Barazim pa gola ndaj Viktoria Plzen, Drita e nis pozitivisht rrugëtimin në Europë
“Ne po kërkonim për një sulmues krahu si ai. Është i shpejtë, teknik dhe i fortë në duelet një kundër një. Ka edhe aftësinë të sulmojë thellësinë, është i kompletuar“, deklaroi tekniku italian.
Në lidhje me Chukwuezen dhe transferimin e tij te Milani, ka folur edhe Gernot Rohr, ish-trajneri i Nigerisë. Gjermani ishte i pari që e afroi në kombëtaren afrikane. Duke i dhuruar debutimin pesë vite më parë.
“Më lejoni ta nis kështu: Milani ka marrë një talent. Ai ka luajtur gjithmonë si sulmues i djathtë me mua. Ka një gjuajtje të bukur, por cilësia e tij më e rëndësishme është loja një kundër një.
Ai gjithmonë arrin të driblojë lojtarin kundërshtar. Këtë e bën në mënyrë sistematike, duke i krijuar superioritet skuadrës së tij. Gjithmonë driblon, në disa raste edhe më tepër seç duhet.
Por të jeni të sigurt për një gjë: tifozët e Milanit do të argëtohen me Chukwuezen. Samu është një djalë modest dhe i përulur. I dëgjon me vëmendje këshillat. Në tri vite nuk e kam qortuar kurrë!
Asnjëherë nuk e ka tepruar me sjelljet e tij. Dhe as që më kujtohet të ma ketë kthyer ndonjëherë fjalën apo të ketë kontestuar zgjedhjet e mia… Është një fenomen edhe sa i përket sjelljes“, u shpreh 70-vjeçari, aktualisht trajneri i Beninit.
