Dani Olmo vijon të japë sinjale se dëshiron të punojë me Pep Guardiolën. “Ylli” spanjoll i Dinamos së Zagrebit zbuloi se ka shkëmbyer mesazhe me trajnerin e Manchester City-it për eksperiencën në Kroaci dhe, sipas tij, nuk ka folur për asnjë transferim të mundshëm, por për këtë të fundit është shtypi spanjoll që insiston se Dani Olmo do të bëhet një lojtar i Citizen me shumë gjasa në verën e ardhshme.
Për 22-vjeçarin janë në garë edhe ekipe të tjera të mëdha si Barcelona, Tottenhami, Milani dhe Arsenali, ndërsa Dinamo e Zagrebit e ka fiksuar në 40 milionë euro çmimin e lojtarit.
