Largimi i Maurizio Sarrit nga Lazio tashmë është bërë zyrtar edhe nga vetë klubi bardhekaltër. Dorëheqja e trajnerit është pranuar nga presidenti Lotito, i cili, për momentin ka bërë një zgjidhje të përkohshme, duke ia besuar drejtimin e skuadrës ndihmësit historik Giovanni Martusciello (ka punuar në këtë rol edhe tek Empoli, Interi e Juventusi).
Ky është njoftimi i shkurtër për shtypin i Lazios:
“S.S. Lazio njofton se Maurizio Sarri ka dhënë dorëheqjen si trajner i ekipit të parë. Kompania falënderon trajnerin për objektivat e arritura dhe për punën e bërë, duke i uruar fat në aspektin njerëzor dhe profesional. Në Në të njëjtën kohë, klubi njofton se ka vendosur t’ia besojë drejtimin teknik Giovanni Martusciellos”.
Lexoni edhe:
- Analiza e Sacchit: Napoli s’ka mentalitet evropian si Interi
- Rrahmani, i drejtpërdrejtë: Presioni ynë nuk funksionoi, por dalim me kokën lart
- VIDEO/ Ëndrra vazhdon, Saarbrucken kualifikohet në gjysmëfinale të Kupës
- “Më shau nga familja”, trajneri i Portos akuza Artetës
Sigurisht që kjo zgjidhje është e përkohshme, pasi Lotito duhet të gjejë një emër të përshtatshëm për një projekt afatgjatë.
Me shumë mundësi, Martusciello do ta mbajë këtë rol deri në fund të sezonit.