Osasuna-Atletico Madrid mbyllën javën e shtatë të La Liga, në një sfidë që rezultoi shumë e tensionuar.
Madrilenët fituan me rezultatin 0-2, me sfidën që u zhbllokua në minutën e 20’ nga Griezmann, me fraksionin e parë që u mbyll me vetëm një gol.
Lexo edhe:
- Agjenti i Kumbullës thyen heshtjen: Rikthimi? Të mos nxitohemi, por po rekuperohet shpejt
- VIDEO/ Dëmtohet dhe lë në mes ndeshjen e Granadës, Uzuni “tremb” Sylvinhon në prag të Çekisë
- Napoli mbyll çështjen “Osimhen”: Kurrë nuk kemi dashur të talleshim me Victor në “Tik Tok”
- Mbrojtësi shqetëson trajnerin Ancelotti, rrezikon ndeshjen e Champions League
Pjesa e dytë rezultoi shumë e tensionuar, me trajnerin e vendasve, Arrasate që u ndëshkua me karton të kuq në minutën e 78’.
Atletico dyfishoi avantazhin në minutën e 81’me Riquelme që i dha siguri skuadrës së Simeones.
Në minutën e 85’ Osasuna mbeti me dhjetë lojtarë pasi Avila u ndëshkua me karton të kuq. Megjithatë gjatë rrëmujës, në minutën e 87’ edhe Atletico Madrid mbeti me dhjetë lojtarë, pasi Morata mori kartonin e dytë të verdhë.
Në fund ndeshja u mbyll me rezultatin 0-2, me Osasunan që renditet në vend të 14-të me shtatë pikë, teksa Atletico Madrid renditet në vend të pestë me 13 pikë.