Marrëveshja është arritur dhe tani pritet vetëm zyrtarizimi. “Martesa” e Victor Osimhen me Napolin do të vazhdojë.
Shtypi italian shkruan se bomberi nigerian do të rinovojë me kampionët e Italisë deri në 2026. Me opsionin e zgjatjes së bashkëpunimit me një tjetër vit.
Firma e 24-vjeçarit do të vijë përpara Krishtlindjes. Nigeriani do të përfitojë 10 mln euro neto në sezon nga kontrata e re, teksa aktualisht paga e tij prek shifrën 4.5 mln euro.
Lexoni edhe:
- Çudit De Laurentiis: Duhet ta kisha zhdukur Garcian që ditën e prezantimit
- Ancelotti, për Superligën: Vendim i rëndësishëm, s’duhet të ketë monopol
- FSHF, për vendim e GJED: Jemi me UEFA-n për zhvillimin e futbollit
- Mesfushori holandez i “Djallit”: E duam yllin e dytë në fanellë para Interit
Në akordin mes palëve është vendosur një klauzolë shitjeje rreth 140 mln euro, që bëhet aktive në verën e ardhshme.
Presidenti Aurelio De Laurentiis ka refuzuar shitjen e “yllit” të skuadrës në merkaton dimërore.
Lajmi qetëson trajnerin Mazzarri dhe tifozët e kaltër, të cilët presin që Osimhen të udhëheqë skuadrën drejt sukseseve me golat e tij.
Duke nisur nga dueli i mbrëmjes me Romën e Mourinhos në “Olimpico”, që transmetohet live në SuperSport 2 (20:45).
