Dorival Junior është prezantuar si trajneri i ri i Brazilit.
Trajneri ka firmosur me kombëtaren e Brazilit deri më 31 dhjetor 2026 dhe për këtë arsye do të udhëheqë këtë skuadër në kualifikueset për Kupën e Botës që do të luhet në Kanada, Shtetet e Bashkuara dhe Meksikë si dhe në Copa America në verë.
Lexoni edhe:
- “Kurajë, Sven! Do e fitosh edhe këtë ndeshje”, Mancini: Po lufton si luan
- Barcelona pa sulmuesin brazilian në finalen e Superkupës
- Statistika e veçantë/ Vetëm Virgil van Dijk në nivelin e mbrojtësit kuqezi
- Puna e Mourinhos nuk po bind, dueli me Feyenoordin vendos të ardhmen e portugezit në Romë
Mes temave të nxehta, përveç objektivave për t’u arritur dhe entuziazmit për t’u rizbuluar, ish-trajneri i Sao Paulos i është përgjigjur edhe disa pyetjeve për Neymar, me të cilin ka pasur një grindje gjatë kohës së tij te Santos.
Në shtator 2010, kur ish-sulmuesi i Barcelonës dhe Paris Saint-Germain ishte ende një talent i ri vetëm 18 vjeç, ndodhi një episod i pakëndshëm, me Neymar që ofendoi Dorival-in sepse nuk e kishte lejuar të ekzekutonte një penallti që ai vetë kishte fituar.
Megjithatë, për trajnerin kjo është një gjë që i përket të kaluarës: “Brazili duhet të mësojë të luajë pa Neymar, duke e ditur se ai është i dëmtuar për momentin. Megjithatë ne duhet të dimë se kemi një nga tre lojtarët më të mirë në botë për momentin. Neymar është një lojtar shumë i rëndësishëm, kur është plotësisht i rekuperuar, në formë dhe i përqendruar. Unë nuk kam probleme me të, ai episod u zmadhua më shumë seç duhej, pa asnjë dobi. Çdo herë që jemi takuar më pas kemi pasur relata të mira.”
