CEO i Inter-it, Giuseppe Marotta iu është përgjigjur rivalëve, të cilët deklarojnë se “zikaltërit” janë favorizuar nga VAR-i.
Në një prononcim për mediet, numri një Inter-it theksoi se statistikat vërtetojnë se cila është skuadra më e mirë momentalisht në Serie A, ndërsa shton se ai dhe “zikaltërit” asnjëherë nuk ankohen për vendimet e arbitrave, por kjo sipas tij nuk do të thotë se ndaj tyre nuk ka pasur penalizime.
Lexo edhe:
- VIDEO/ Rey Manaj “magjik”, shënon dygolëshin e radhës në Turqi
- “Mbrëmje e bukur”, rinisja dhe çlirimi i Brojës: Shpresoj të mos ndalëm më
- VIDEO/ Anulohet eurogoli, kryesori dhe asistentja “mashtrohen” nga… porta
- Thirrja e Pochettinos: Broja, qeshu dhe beso më shumë te vetja!
“Duhet të njohim meritat e Inter-t, duhet pranuar që meriton të jetë i pari në Serie A. Statistikat ndihmojnë për të vlerësuar objektivisht faktet dhe për të thënë se jemi me autoritet në krye të tabelës. Polemika për VAR? Është pjesë e lojës. Unë nuk jam këtu për të listuar gabimet e bëra në dëmin tonë, kjo nuk është mënyra ime për t’i bërë gjërat apo e Inter-it. Në fund, skuadra më e mirë nga të gjitha këndvështrimet do të fitojë, nuk mund dhe nuk duhet të flasim për favorizim”-deklaroi Marotta.
