Pas vendimit të Komisionit Disiplinor të Federatës Franceze të Futbollit (LFP) për të mos marrë “masa disiplinore” ndaj Marseille-s për sulmin me gurë të tifozëve të tyre ndaj autobusit të skuadrës së Lyon-it më 29 tetor, Fabio Grosso, i cili ende mban shenjat e atij momenti të tmerrshëm, në fytyrë, nuk e fsheh zemërimin në konferencën për shtyp.
“Isha shumë i sigurt se nuk do të ktheheshim atje, por shoh që nuk do të ndodhë kështu. Shpresoj që ata të marrin një vendim tjetër sepse ajo që ndodhi është diçka shumë serioze. Nuk mund të jetë normale”-tha trajneri i Lyon-it.
Lexo edhe:
- “Një buzëqeshje dhe stadiumi tërbohej”, Pique: Ndeshjet ndaj Espanyol shijonin më shumë se ndaj Realit
- “As kartoni i verdhë nuk e ndali”, trajneri i Legias vlerëson ish-mesfushorin e Tiranës: Më lumturoi!
- Notat/ Më i miri te Atalanta, elozhe pa fund për Gjimshitin: Shumë nerv dhe prezencë në zonë
- Ndeshjet vendimtare të nëntorit, trajneri Sylvinho publikon listën e lojtarëve të grumbulluar
Ndeshja u ricaktua që të luhet më 6 dhjetor, në “Velodrome” dhe për sigurinë e saj nuk është marrë asnjë masë, pasi stadium i Marseille do të jetë i hapur për tifozët.
Vendim ky që tërboi klubin e Lyon-it, që bëri një njoftim të menjëhershëm: “Kur ndodh diçka e tillë duhet të marrësh një vendim të fortë, përndryshe gjërat e papranueshme do të kthehen dhe do të jetë më serioze dhe ndoshta personi të cilit i ndodh nuk do të mund të flasë më”.