Klubi historik argjentinas, Boca Juniors përballet me zgjedhjet presidenciale këtë vit, teksa një prej kandidatëve, Jorge Reale ka prezantuar planin e tij për ndërtimin e një stadium të ri, tërësisht modern.
Projekti i tij parashikon ndërtimin e stadiumit të ri në një lokacion të ri, rreth 1.2 kilometra nga stadiumi i ri, në ishullin Demarchi, teksa studimi në terren ka konfirmuar se përmbushen kriteret e një ndërtimi të tillë
Stadiumi i ri është parashikuar të ketë një kapacitet prej 112 mijë spektatorësh, ose më shumë se gjysma e kapacitetit të atij aktual dhe për më tepër, të gjithë tribunat të jenë të mbuluara.
Lexo edhe:
- “Kush dreqin je ti?”, si ia prishi “magjinë” tifozit napolitan Rrahmani
- VIDEO/ Kontroll i topit për 196 sekonda dhe 63 pasime, goli i Dimarcos për “Guinness”
- Xhaka gjithnjë e më larg Arsenalit, mesfushori tundohet për një rikthim në Gjermani
- Rikthehet dueli Messi-Ronaldo në një tjetër kontinent, në Francë e bëjnë fakt të kryer
Projekti është vërtetë madhor dhe është parashikuar edhe ndërtimi i tre urave për t’u lidhur me ishullin, teksa në impiant janë planifikuar 444 vende në tribunën VIP, 78 kabina televizive dhe 4000 vende parkimi.
Boca Juniors është një klub me një anëtarësi prej 315 mijë njerëzish dhe ia kalon vetëm Bayerni i Mynihut me 321 mijë, ndaj një stadium me kapacitet të tillë, nuk rrezikon aspak të mbetet bosh.
Për më tepër, projekti mbështetet edhe nga Federata Argjentinase, që synon ta përfshijë stadiumin mes impianteve që do të presin ndeshjet e Botërorit 2030.
