Pavarsisht fitores së thellë me rezultatin 0-4 në Air Albania ndaj Kukësit, trajneri i Wolfsburgut Oliver Glasner e pranoi se skuadra e tij kishte edhe fatin me vete në këtë dhe ndoshta fitorja 0-4 ishte disi e padrejtë pasi Kukësi bëri një paraqitje vërtet të mirë sipas trajnerit të Wolfsburgut dhe diferencat në fushë nuk u dalluan shumë.
“Ne e filluam ndeshjen mirë dhe ishim në kontroll të saj. Por, pasi shënuam dy herë, Kukësi më pas guxoi më shumë. Me atë penallti, ata mund të ishin kthyer në lojë. Ishim pak me fat edhe në momentin që ata goditën shtyllën. Vihej re që ne na mungonte disi kordinimi”, u shpreh Glasner.