Bologna vuajti jo pak, por ia doli vetëm në minutat e fundit që të marrë një fitore 2-1 përballë Brescias në “Dall’Ara”, duke regjistruar suksesin e dytë radhazi që e ngjit në kuotën e 30 pikëve na kampionat.
Sfida nisi mjaft mirë për “Dallëndyshet”, që fituan një penallti, të cilën e shndërroi në gol sulmuesi Torregrossa, megjithatë barazimi i kuqebluve erdhi pak minuta më vonë me anë të sulmuesit Ricardo Orsolini.
Pas një pjese të dytë të luftuar dhe me raste të shumta, kur dukej se gjithçka po shkonte drejt barazimit, ishte mbrojtësi Mateo Bani, që u gjend në vendin e duhur gjatë zhvillimeve të një goditjeje dënimi dhe shtyu topin në rrjetë për herë të dytë.
Kontrolli në VAR konfirmoi pozicionin e rregullt të mbrojtësit të Bolognës, ndërsa deri në vërshëllimën finale, Brescia nuk pati fuqinë të provojë për të gjetur golin që do ta nxirrte më një pikë nga “Dall’Ara”.
