Leandro Paredes është lëvizja e drejtuesve të Juventus për të përforcuar repartin e mesfushës. Argjentinasi që u transferua te bardhezinjtë falë formulës së huazimit nga PSG, në intervistën e tij të parë si lojtar i torinezëve thekson se dëshironte të bëhej pjesë e Juventus prej shumë kohësh dhe se këtë herë nuk kishte ndërmend ta humbiste mundësinë.
“Jam shumë i lumtur që jam te Juventus, e doja prej kohësh një transferim të tillë. Pse Juventus? Për mua është një ëndërr e bërë realitet, nuk doja që këtë herë ta humbisja transferimin për asgjë në botë.
I thashë të afërmve dhe miqve të mi, ose do të luaja për Juventus ose nuk do të kishte asnjë klub tjetër më pas. Numri 32? Është një numër që e kam përdorur shpesh. E kam veshur te Boca Juniors, Empoli dhe te Roma”, u shpreh Paredes.
