Juventus i këtij sezoni kërkon t’i dhurojë më shumë hapësirë dhe besim të rinjve. Të detyruar edhe nga situata e rëndëuar financiare, bardhezinjtë kanë nisur një projekt që ka në qendër të rinjtë dhe trajneri Massimiliano Allegri po tenton që ndeshje pas ndeshje të integrojë në skuadrën e parë elementë si Fagioli, Miretti, Iling-Junior, por edhe një risi si Kenan Yildiz.
Futbollisti i datëlindjes 2005 mbërriti në Torino në korrikun e vitit 2022 nga Bayern Munich dhe u bë menjëherë pjesë e të rinjve të Juventus si ekipi U17 dhe U19. Por, ishin seancat stërvitore me ekipin e parë ato që bënë të impresionohej Allegri dhe stafi i tij.
Lexoni edhe:
- Nexhipi bën të flitet shqip te Manisa, firmos lojtari i Kosovës
- Redi Kasa në Sllloveni, zbulohen detajet e transferimit
- Lindstrom: I lumtur që jam në Napoli, mezi pres të shoh tifozët në stadium
- Iu hakërrye arbitrit për kartonin e kuq, Van Dijk rrezikon shumë
Miqësoret e kësaj vere ishin po ashtu një sukses për sulmuesin dhe tashmë Yildiz është pjesë e pandarë e skuadrës së parë teksa debutoi në ndeshjen e parë të këtij sezoni me Udinesen, për t’u aktivizuar më pas edhe në sfidën me Bolognan.
Në këtë formë, drejtuesit i kanë vlerësuar paraqitjet e turkut duke i rinovuar kontratën e cila tashmë është e vlefshme deri në vitin 2027. Po ashtu, talenti 18-vjeçar ka përfituar edhe një rritje të ndjeshme të pagës sezonale.