Në merkaton e fundit të dimrit, në Itali mediet insistuan deri në ditën e fundit për një shkëmbim Kessie-Brosovic mes Barcelonës dhe Interit. Diçka që tashmë është mohuar dhe nuk ka ndodhur.
Tani, menaxheri i Franck Kessie-t, George Atanga, përmes agjencisë së tij, “Ambition Group Sport Management”, mohon me forcë informacionet e “Il Corriere dello Sport”, që raportonte sërish për transferimin e mesfushorit nga Bregu i Fildishtë drejt zikaltërve.
“Megjithëse menaxheri i tij ka mohuar një transferim të mundshëm të Kessie-t, pavarësisht se drejtuesit e Barcelonës kanë mohuar një transferim të mundshëm të Kessie-t dhe, ndër të tjera, pohojnë rëndësinë e tij në skuadër, pavarësisht se vetë Kessie ka publikuar së fundmi një intervistë ku thotë se dëshira e tij për të luajtur në Barcelonë për një kohë të gjatë, po shqetësojnë disa lajme të rreme dhe qesharake”, – nis deklarata.
Lexo edhe:
- Nga Messi te Skriniar, kontratat e yjeve të futbollit që skadojnë në verë
- “Blindohet” Napoli, Italia në alarm për huliganët anglez
- Nisin eliminatoret e EURO 2024, ndeshjet që mund të ndiqni në “SuperSport”
- Flet trajneri: Prenga një bishë, synon të pushtojë botën
“Pra, ne duam të jemi shumë të qartë për këtë. Mundësia që Kessie të largohet nga Barcelona në merkaton e radhës është njësoj si të shpresosh që një gjarpër të bëhet me këmbë verën e ardhshme”.
