Sezoni ende nuk ka përfunduar, por për Liverpool mund të konsiderohet si një sezon i dështuar. Skuadra e trajnerit Jurgen Klopp është jashtë të gjithë objektivave, ndërsa në ndeshjet e mbetura mund të tentojë vetëm vendin e katërt në Premier League, edhe pse bëhet fjalë për një llogari mjaft të ndërlikuar. Duke parë situatën, duket se edhe trajneri Jurgen Klopp është dorëzuar për sezonin aktual dhe ka paralajmëruar lojtarët e tij se sezoni i ardhshëm do të nisë herët dhe nuk do t’i lejojë që të bëjnë pushime të gjata.
“Sezoni i ri duhet të jetë ndryshe dhe na duhet të marrim më shumë përgjegjësi. Duhet të përgatitemi më mirë në seancat e parasezonit, ndaj dua që lojtarët të kthehen më herët nga pushimet. E di shumë mirë dhe e respektoj nevojën e tyre për pushime, por duhet të bashkohemi sa më shpejt të jetë e mundur. Sezonin e ardhshëm duhet të tregojmë veten dhe ta vlerësojmë maksimalisht”, u shpreh Klopp.
Lexo edhe:
- “I ngjason Ronaldos, por atij ja treguam shpejt kufirin”, ish-futbollisti i United krahason Antony me CR7
- “Xhaka në dyshim”, Arteta në konferencën para Cityt: Topi nuk duhet të shkojë tek Haaland!
- Derbi në finalen e FA Cup, orar i ri pas 12 vitesh! “Buzëqeshin” te City
- “E urreja CR7”, rrëfimi në 360 ° i Dybalës: Numri 10 te Roma? Kurrë mos thuaj kurrë! Mbreti është Mou
Sipas teknikut gjerman, skuadra duhet të mblidhet më datë tetë korrik në orën 11:00, me të vetmin lëshim për lojtarët që do të grumbullohen me kombëtaret dhe do të kenë impenjim deri në mesin e qershorit. Për ata do të ketë një lëshim, por vetëm tre ditë, pasi më 11 korrik edhe ata duhet të vendosen sërish nën urdhrat e Klopp.