Bota e futbollit u trondit më 11 janar kur Sven-Goran Eriksson zbuloi se vuante nga kanceri që ishte i pamundur të operohej dhe kishte pak kohë për të jetuar.
Ish-trajneri tha se do të rezistojë për aq kohë sa të mundet.
Një nga ëndrrat e suedezit ishte të drejtonte Liverpoolin, klub me të cilin është tifoz. Pasi tifozët e kuq demonstruan dëshirën e tyre për të realizuar ëndrrën e suedezit, Jurgen Klopp hodhi hapin e radhës.
“Dëgjova për herë të parë për admirimin dhe dashurinë e tij për Liverpoolin dhe se ai ka qenë tifoz i skuadrës sonë gjatë gjithë jetës së tij”, tha Klopp në një konferencë për shtyp të mbajtur këtë të premte. “Ai është shumë i mirëpritur dhe mund të ulet në vendin tim, në zyrën time dhe ta bëjë punën time për një ditë nëse dëshiron, nuk ka problem.
Lexoni edhe:
- “Ka thënë po”/ Zbulohet ekipi i ri i Mourinhos, debuton kundër… Romës
- De Rossi ‘i ndryshon fytyrën’ Romës, ja si pritet të rreshtohen verdhekuqtë
- Mbappe: Nuk po “vjedh” askënd, i meritoj të gjitha paratë që fitoj!
- VIDEO/ Atletico “merr hak”, eliminon me “poker” Realin dhe siguron çerekfinalet e Kupës së Mbretit
Dëshiroj t’ju mirëpres këtu dhe t’ju tregoj gjithçka dhe si është zhvilluar ky klub i mrekullueshëm ndër vite”, vazhdoi trajneri gjerman.
Shtypi anglez shkruan se ekziston mundësia që Eriksson të jetë trajner i Liverpoolit në një ndeshje legjendare kundër Ajaxit, e cila do të zhvillohet më 23 mars.
“Ai mund të vijë këtu dhe të kalojë disa orë të mrekullueshme, jam i sigurt”, përfundoi Klopp.