Kombëtarja U-15 ka nisur nga sot një grumbullim tre ditor rutinë me disa lojtarë të vitlindjes 2010. Ekipi i drejtuar nga trajneri Armand Dama në mëngjesin e kësaj të hëne është grumbulluar në Tiranë dhe seancat stërvitore do të kryen në ambientet e “Shtëpisë së Futbollit”.
Trajneri Dama ka publikuar edhe listën me 20 futbollistët e thirrur, të cilët aktivizohen në klubet dhe akademitë e futbollit shqiptar.
Lexo edhe:
- Super fundjava “kuqezi”/ Cikalleshi e Uzuni realizojnë nga dy gola, shënon edhe Manaj. Gjimshiti dhe Broja japin asiste
- Zyrtare/ Goditi me kokë sulmuesin e Verona-s, Lecce shkarkon trajnerin D’Aversa
- Propozim i çmendur për të ndryshuar të ardhmen e PSG-së
- “Zaniolo është një turp, le ta kthejmë menjëherë në Turqi”, tifozët e Aston Villa të zemëruar me italianin
Ky do të jetë seleksionimi i dytë i Kombëtares U-15 brenda një kohe të shkurtër. Përveç seancave stërvitore, në ditën e tretë të grumbullimit do të organizohet edhe një miqësore. Stafi teknik i Kombëtares U-15 do të vazhdojë nga afër lojtarët e grumbulluar për të formuar në të ardhmen një grup solid.
Përveç grumbullimeve zyrtare, çdo javë me futbollistët e talentuar punohet në ambientet e “Shtëpisë së Futbollit” në kuadër të projektit “Step By Step”, që ka si qëllim të angazhojë të gjithë kuqezinjtë e vegjël që luajnë në Shqipëri.
Më poshtë edhe lista e 20 lojtarëve të thirrur nga trajneri Armand Dama për grumbullimin 3-ditor:
