Jose Mourinho ka një fiksim për qendrën e mbrojtjes. Verdhekuqtë fituan Conference League në finalen e Tiranës, teksa sezonin e ardhshëm do të garojnë në Europa League.
Tifozët presin që ekipi i tyre i zemrës të zhvillojë një sezon si protagonist në Serie A, me “Special One” që shpreson e beson të rikthejë Romën në Champions League.
Emra të ndryshëm janë përfolur gjatë kësaj kohe, teksa Goal.com shkruan se objektivi i madh i Mourinhos është Clemente Lenglet, qendërmbrojtësi francez i Barcelonës.
27-vjeçari nuk bën pjesë në planet e Xavit dhe ka përfunduar në merkato. Drejtuesit e Barcelonës kanë nevojë për miliona dhe po presin ofertën e parë zyrtare të Romës.
Ndërkohë, Torino vazhdon të shfaqë interes për Marash Kumbullën, i cili mund të ritakohet me kroatin Ivan Juric nëse Roma gjen marrëveshjen në lidhje me Lenglet.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
