Kuqezinjtë e Sylvinhos kanë zbarkuar sërish në “Elbasan Arena” këtë pasdite, ku do të zhvillojnë një ndeshje kontrolli mes grupit, teksa bashkë me futbollistët e grumbulluar, janë bashkuar edhe katër emra nga Shqipëria U21.
Bëhet fjalë për Arda Kurtulan, Medon Berishën, Adi Dajkon dhe Elmando Gjinin, të cilët lanë skuadrën e Bushit dhe u vunë në dispozicion të trajnerit Sylvinho vetëm për këtë të martë.
Lexo edhe:
- Zyrtare/ Kapiteni largohet nga Vllaznia, pritet transferimi në kryeqytet
- Latifi largohet nga Vllaznia, gati firma në kryeqytet
- Një grek blen Monzën, Berlusconi firmosi pak para ndarjes nga jeta
- Klubi i njohur francez dënohet nga Federata, humbet mundësinë e rikthimit në Ligue 1
Të katër lojtarët do të kenë mundësinë të bashkohen me grupin e 26 futbollistëve të grumbulluar nga trajneri brazilian i kuqezinjve dhe të tregojnë cilësitë e tyre para këtij të fundit.
Shqipëria do të zhvillojë një ndeshje kontrolli brenda grupit, me dyer të mbyllura në stadiumin “Elbasan Arena”, ku pritet që trajneri Sylvinho të qartësojë idetë e tij dhe të skicojë formacionin me të cilin do të luajë përballë Moldavisë mbrëmjen e 17 qershorit në “Air Albania”.