Lecce eliminohet nga Kupa e Italisë, ndërsa ra në shtëpi ndaj Parmës, më sfidën e raundit të 1/16-ave që u mbyll me rezultatin 2-4.
Miqtë zhbllokuan takimin që në minutën e 9’ me Sohm, ndërsa Bonny dyfishoi avantazhin në minutën e 29’.
Lexo edhe:
- Leksionet e Calhanoglu dhe projekti i Inzaghit, GDS analizon rritjen e Asllanit
- “Rodri u hodh te penalltia, të mos e njollosim Premier League me skena spanjolle”
- Fitoi titullin me Napolin, pezullohet për shkak të një… hamburgeri!
- Triumf me “poker”, Struga “shkatërron” Vardarin dhe shkon -1 nga kreu
Skuadra e Ramadanit dhe Berishës, me dy shqiptarët që e nisën këtë takim si titullarë, reagoi në fraksionin e dytë. Në minutën e 54’ Piçoli rihapi sfidën, teksa Strefezza barazoi në minutën e 76’.
Gjithçka po shkonte mirë për Lecce-n deri në minutën e 90+4’, kur një autogol i Pongracic riktheu Parmën në avantazh.
Në fund takimi u vulos nga Man, që shënoi në minutën e 90+7’ nga pika e bardhë e penalltisë.
Kështu Lecce eliminohet në raundin e 1/16-ave, teksa Parma siguron fazën e 1/8-ave të Kupës së Italisë.
Ndërsa Genoa fitoi në shtesë ndaj Reggiana-s, të cilën e mundi me rezultatin 2-1 dhe siguroi kualifkimin për raundin tjetër.
