Manchester City duket i pandalshëm në rrugën drejt rikthimit si kampion i Premier League-s. Citizens fituan lehtësisht 3-0 ndaj Tottenhamit, duke krijuar një diferencë prej shtatë pikësh ndaj Leicester City-t, por me një ndeshje më shumë për të zhvilluar. 11 fitore radhazi në në Premier, 16-ta në seri në të gjitha garat, City po kalon një formë të shkëlqyer dhe pa dyshim fiton kuota maksimale në rivalitetin për titullin kampion.
Pas dy humbjeve me të njëjtin rezultat 2-0 (një i përket fazës së parë dhe tjetra sezonit të kaluar), Pep Guardiola “hakmerret” në njëfarë mënyrë ndaj rivalit të tij historik, Jose Mourinho, skuadra e të cilit, pas një starti mbresëlënës, aktualisht është katër pikë larg zonës Champions.
Sa i përket kronikës së ndeshjes, vetë rezultati tregon dominimin e Citizens, që golin e parë e shënuan me Rodrin, me 11-metërsh, që në minutën e 22-të.
Në fraksionin e dytë skenën e rrëmbeu turko-gjermani Gundogan, që mbylli llogaritë me Spurs-at me një dygolësh. Të parin e sigloi në minutën e 50-të dhe të dytin 16 minuta më vonë.
A pamundur për Tottenhamin që të ndryshonte rrjedhën e ndeshjes, madje në fundin e saj Sterling për pak e çoi rezultatin në 4-0.
