Nga Franca vijojnë dalin informacione të reja për situatën që po përjeton Kylian Mbappé te PSG. “L’Equipe” publikoi te thëna të reja sipas të cilave qëndrimi i Mbappesë nuk pëlqehej brenda klubit.
Sipas gazetës prestigjioze franceze, sulmuesi është gjithnjë e më i izoluar në dhomat e zhveshjes. Nisur nga ky informacion, një përgjigje nga një tifoz, që mbronte Kylianin e që këmbëngulte se “po bëhet një fushatë shpifjeje për ta shtyrë Mbappenë të largohet”, pati mbështetjen e nënës së futbollistit.
Lamari Fayza ndau mesazhin e fansit nëpërmjet të cilit PSG akuzohej se po kërkonte të diskreditonte djalin e saj. Të gjitha informacionet që kanë dalë ditët e fundit në Francë kanë shqetësuar nënën e “yllit” francez.
Tani për tani, Kylian vazhdon të shënojë gola me PSG-në, siç u pa edhe ndaj Benfikës, sfidë në të cilën ishte edhe një herë më i miri në skuadër. Pasi u bë golashënuesi më i mirë i skuadrës pariziene në Ligën e Kampionëve, tashmë ai do të tentojë të jetë vendimtar në kalimin në 1/16-vave si i pari në grup.