Carlo Alcaraz rikthehet numri një i renditjes botërore në tenisin e meshkujve. Talenti spanjoll fitoi në turneun londinez të Queen’s, ku mposhti në finale në dy sete 6-4, 6-4, australianin Alex de Minaur. 20-vjeçari zbret në këtë formë nga froni Novak Djokovic, ndërsa përgatitet për turneun Grand Slam të Wimbledon-it.
Alcaraz, edhe në këtë turne cilësohet si një prej favoritëve për t’i shkuar deri në fund garës ndërsa kërkon të tregojë aftësitë e tij edhe në fushat me bar. Tashmë, pas rikthimit si numri një i botës, Alcaraz do të marrë pjesë në vazon e favoritëve në shortin e Wimbledon, ndërsa vetë spanjolli beson se mund të fitojë sërish në tokën angleze.
“Unë e vlerësoj Wimbledon-in si një nga turnetë më të bukur dhe dua shumë që ta fitoj një ditë. Kam shumë besim se këtë ëndërr mund ta përmbushë që këtë vit. E vërteta është se në fushat me bar numëroj vetëm 11 ndeshje gjatë karrierës sime, më duhet të fitoj më shumë eksperiencë dhe të kaloj më shumë orë në këtë terren. Por, unë e kam treguar veten edhe ndaj më të mirëve dhe me nivelin që kam treguar sigurisht që e cilësoj veten si një prej favoritëve për të fituar Wimbledon-in e këtij viti.
Lexo edhe:
- Një moldav për Vllazninë, luajti titullar edhe ndaj Shqipërisë
- VIDEO/ Gjashtë minuta për golin e fitores, Vrioni rikthehet protagonist në Amerikë
- Sulmuesi i kombëtares bëhet me skuadër të re, prezantohet te kampionët
- I kënaqur nga impenjimi dhe guximi i futbollistëve, Sylvinho: Shoh detajet, kemi lojtarë inteligjentë
Gjithsesi, favoriti kryesor mbetet Novak Djokovic, kjo është pak por e sigurt. Do të mundohem ta mund nëse përplasemi gjatë rrugës dhe e di se në ndeshjen me të do të kem shanset e mia për të fituar. Por, e theksoj se e shoh Djokivc si favoritin numër një dhe kjo nuk ndryshon”, u shpreh Alcaraz.
