Trajneri i mirënjohur turk, Fatih Terim u prezantua zyrtarisht të premten si trajner i grekëve të Panathinaikos, teksa nga Athina deklaroi se dëshiron që të rikthejë himnin e Champions Leagues në stadiumin e klubit dhe të fitojë titullin kampion.
Megjithatë eksperienca nuk ka nisur në mënyrën e duhur për Fatih Terim, i cili po paragjykohet pikërisht prej të qenit turk, duke pasur parasysh faktin që dy vendet nuk kanë pasur aspak marrëdhënie të mira ndër vite.
“Një ujk me petkun e deles. Si mund të emërohet trajner i një klubi grek një njeri që nuk e do Greqinë dhe popullin helen…” shkruante media greke për Terim, duke sjellë në vëmendje se trajneri është një njeri i afërt i presidentit turk Rexhep Taip Erdogan.
Lexo edhe:
- FOTO/ “Jemi ushtarë të Mustafa Qemalit”, tifozët e Galatasarayt dhe Fenerbahces bëhen bashkë
- Zyrtare/ Interi blindon titullarin, i zgjat kontratën deri në 2027-ën
- “Një ujk me petkun e deles”, aventura greke nis me malore për Fatih Terim
- “Festuan ata që na urrejnë”, Luis Enrique: Ende më dhemb ajo humbje
Nga ana tjetër, menjëherë pas prezantimit, Terim shkoi në pallatin e sportit për të ndjekur ndeshjen e Panathinaikosit në basketboll, por dhe aty nuk mori përgjigjen që priste nga ultrasit, të cilët nisën të thërrasin në kor emrin e paraardhësit të turkut, Ivan Jovanovic.
Natyrisht një nisje malore kjo për Terim, që do të duhet të tregojë shpejt cilësitë e tij dhe të fitojë zemrat e tifozëve të Panathinaikosit, një mision ky që duket se do të jetë jo pak i vështirë.
