Partizani ka zyrtarizuar edhe goditjen e fundit në merkato teksa të kuqtë kanë përforcuar radhët në repartin ofensiv. Kryeqytetasit kanë zyrtarizuar marrëveshjen me lojtarin serb, Milan Mirosavljev i cili aventurën e fundit e ka pasur në Letoni me skuadrën e Liepaja.
Me këta të fundit, 26-vjeçari është aktivizuar në 10 ndeshje ndërsa ka realizuar 2 herë. Mirosavljev ka firmosur një kontratë me afat një vit e gjysmë teksa tashmë i shtohet ofensivës e cila përbëhet nga Junior, Cara apo Skuka ndërsa trajneri Dritan Mehmeti ka më shumë zgjedhje në dispozicion.
Njoftimi i Partizanit:
✍️ FK Partizani njofton arritjen e marrëveshjes me lojtarin Milan Mirosavljev. Sulmuesi 26 vjeçar është përforcimi i radhës në merkaton e Janarit. Mirosavljev ka firmosur me Partizanin një kontratë për një vit e gjysëm dhe bashkohet me të kuqtë, pas eksperiencës në Letoni me skuadrën e FK Liepaja.
26 vjeçari është aktivizuar në ekipe të ndryshme në Serbi, ndërsa ka eksperienca me Buduçnost në Malin e Zi dhe Irtysh në Kazakistan.
#MirësevjennëfamiljenekuqeMilanMirosavljev
#WelcometotheRedFamilyMilanMirosavljev
#PërjetMeTyPartizan
