Liverpooli fitoi 1-4 në fushën e Brentfordit. The Reds vazhdojnë të mbajnë vendin e parë në Premier League, por gara me Arsenalin dhe Manchester Cityn do të jetë e ashpër deri në fund.
Alexis Mac Allister realizoi golin e dytë në suksesin me “poker” pas një asisti të marrë nga Momo Salah. Egjiptiani u rikthye pas dëmtimit muskulor që e mbajti 25 ditë larg fushave.
Dhe skuadra e Klopp është shumë më e fortë dhe e rrezikshme me të në fushë. Mesfushori argjentinas ndihet i lumtur për rikthimin e Salah, të cilin e konsideron lider dhe futbollist fantastik.
“Ishte një fitore e bukur dhe me rëndësi të madhe. Kemi mbërritur në një pikë që të gjithë e dimë sa e vështirë është të marshojmë përpara me fitore.
Lexo edhe:
- VIDEO/ “Predha” e radhës nga goditja e dënimit, Manaj i jashtëzakonshëm
- Broja me grip në shtëpi, Sylvinhos i shkon dëm udhëtimi në Angli
- Një gjerman për pankinën, Kosova zyrtarizon trajnerin e ri
- “Prurje” nga Bundesliga për Kosovën, e konfirmon Ademi
Unë ndihem me fat. Jam një tip të cilit i pëlqen të mësojë sa më shumë nga futbolli. Ndihem për mrekulli te Liverpooli. Përpiqem të shënoj dhe dhuroj asiste.
Jam realisht shumë i lumtur për golin, por rëndësi kryesore ka fakti që skuadra siguroi tri pikët dhe vazhdon të jetë në krye të renditjes.
Salah? Fantastik. Jam shumë i lumtur për të. Ishte disi i trishtuar për faktin që nuk ka luajtur me ne kohët e fundit. Por u rikthye, dhuroi asist dhe shënoi gol.
Momo është një futbollist i jashtëzakonshëm dhe shumë i rëndësishëm për në, ai është një lider i madh i Liverpoolit”, u shpreh Mac Allister, kampion bote me Argjentinën në Katar 2022.
