Seferi në radarët e klubit gjerman të Paderborn. Sulmuesi 26-vjeçar i Kombëtares Shqiptare po bën mjaft mirë me fanellën e Vorskla Poltavës në Ukrainë, ku ka shënuar 9 gola në 20 ndeshje.
Kjo paraqitje nuk ka kaluar pa u vënë re nga klubi që militon në ligën e dytë gjermane, që duket se është gati të hidhet në kërkim të sulmuesit kuqezi.
Paderborn i ka besuar udhëheqjen e sulmit 23-vjeçarit Marvin Pieringer, i cili po bën shumë mirë, por në fund të sezonit do të kthehet te Schalke 04, klub që ka edhe pronësinë e kartonit të tij.
Lexo edhe:
- Muaji i Ramazanit, FSHF shtron iftar për futbollistë, gazetarë e drejtues të klubeve të Superiores
- Austriaku kryen testet mjekësore, Bayern transferon mesfushorin e Leipzig
- Chelsea nis bisedimet me Nagelsmann, zbulohet kur janë takuar
- “Ishte si një thikë pas shpine”, ish-piloti i RedBull: Kështu e ka jeta!
Në këto kushte, skuadra do të duhet të gjejë një sulmues për sezonin e ri dhe Seferi duket opsioni i duhur, pasi ka fituar eksperiencë mjaftueshëm dhe është gati për një tjetër hap të madh në karrierë.
Sulmuesi shqiptar ka kontratë deri në verën e 2025-ës me Vorskla Poltavën, por mund të largohet si lojtar i lirë, nëse FIFA do të mbajë në fuqi rregulloren provizore në kushtet e luftës në Ukrainë.
Paerborn është një klub jo pak i njohur në Shqipëri, pasi më herët fanellën e kësaj skuadre e kanë veshur futbollistë të tjerë të kombëtares, si Alban Meha e Klaus Gjasula.