Marco Verratti është një nga lojtarët më të rëndësishëm te PSG, por gjatë këtij sezoni nuk është shfaqur në nivelin e duhur. Mesfushori italian është pjesë e kampionëve të Francës prej vitit 2012.
Kritikat ndaj tij nuk kanë munguar dhe 30-vjeçari po mendon të nisë një aventurë të re në karrierë. Verratti ka kontratë me PSG-në deri në vitin 2026.
Ndërkohë, drejtuesit e klubit francez janë të ndarë sa i përket situatës së lojtarit. Presidenti Nasser Al-Khelaifi ka një lidhje dhe vlerësim të madh për Verrattin.
Lexo edhe:
- VIDEO/ Theo realizon super gol, Milan triumfon ndaj Lazios
- Klubi i njohur italian rikthehet në Seria A pas një viti
- Stadiumi i ri në Vlorë, shpallet projekti fitues
- Bisedimet zhvillohen gjatë natës, Liverpool-Brighton marrëveshje parimore për argjentinasin
Kreu i PSG-së është kundër shitjes së mesfushorit dhe shpreson ta shohë edhe për shumë vite në “Parc des Princes”.
Ndryshe mendon Luis Campos. Drejtori sportiv nuk e cilëson të pazëvendësueshëm dhe është gati të marrë në konsideratë ofertat që do të vijnë për të.